Faigh A-nuas Dhuinn am Botal
Contributors
Fieldworkers
Date
February 1968
Track ID
29929
Part 1
Track Information
Original Track ID
SA1968.02.B1
Original Tape ID
Summary
This is a song in praise of MacDonell of Glengarry. It contains much detail of his skill as a hunter and describes his bravery when leading his men in battle.
Item Notes
Five verses sung. Composed by Allan MacDougall (Ailean Dall) who was born c.1750.
See:
'Scottish Tradition' series 4 - Calum and Annie Johnston (The School of Scottish Studies) p. 8 of notes
'Sàr Obair nam Bàrd Gaelach' p. 325 (1907 edition)
Language
Gaelic
Genre
Collection
Transcription
Alasdair MacLeòid (AM):
Faigh a-nuas dhuinn am botal, cuir an deoch seo mun cuairt,
Lìon barrach an cupan, 's cùm socair a' chuach;
Slàinte chòirneil na fèile leis an èireadh gach buaidh,
Oighre Chnòideart a' bharraich 's Glinn Garaidh mu thuath.
Thig ort measair is adhairc agus taghadh nan arm,
Le d' mhial-choin air lomhainn 's iad romhad a' falbh:
Nuair a thèid thu don mhonadh bidh fuil air damh dearg,
Cas a shiubhal an fhirich, leat chinneadh an t-sealg.
Faigh a-nuas dhuinn am botal.
'S tu marbhaich' a' choilich 's moch ghoireas air chrann,
Buic bhiorach an t-seilich agus eilid nam beann;
'S tric a leag thu na luaths a' chaol ruadhag 's a' mhang,
Nuair a ruigeadh do luaidhe cha ghluaiseadh iad eang.
Faigh a-nuas dhuinn am botal.
'S tu nàmhaid na h-eala, làmh a mhealladh a' gheòidh
B' fheàrr leat fhaicinn san adhar na na laigh' air an lòn
Air iteig ga chaitheamh 's luaidhe neimh' air a thòir
Bho ghunn' a' bheòil chumhang cha mhaireadh e beò.
Faigh a-nuas dhuinn am botal.
'S e do chruadal 's do ghaisge 's am fasan bu dual
Bhith colgarra cosant' gu brosnachadh sluaigh:
Gu h-armailteach treubhach, gu geur-lannach cruaidh:
'S tu shliochd nam fear trèine nach gèilleadh san ruaig.
Faigh a-nuas dhuinn am botal, cuir an deoch seo mun cuairt,
Lìon barrach an cupan, 's cùm socair a' chuach;
Slàinte chòirneil na fèile leis an èireadh gach buaidh,
Oighre Chnòideart a' bharraich 's Glinn Garaidh mu thuath.
Dòmhnall Eairdsidh Dòmhnallach (DE): Cà 'n cuala sibh am fear sin?
AM: Chuala mi am fear sin aig athair Curstaidh ann a sheo - athair na mnatha.
DA: 'S bhiodh e aig feadhainn eile cuideachd.
AM: Bha e aig... chuala esan e aig seann duine, fear ris an canadh iad Iain Ceannaiche.
DA: Seadh gu dearbha. 'S ann às an Eilein Sgitheanach a bha esan?
AM: Às an Eilean Sgitheanach. Ò, 's ann.
Faigh a-nuas dhuinn am botal, cuir an deoch seo mun cuairt,
Lìon barrach an cupan, 's cùm socair a' chuach;
Slàinte chòirneil na fèile leis an èireadh gach buaidh,
Oighre Chnòideart a' bharraich 's Glinn Garaidh mu thuath.
Thig ort measair is adhairc agus taghadh nan arm,
Le d' mhial-choin air lomhainn 's iad romhad a' falbh:
Nuair a thèid thu don mhonadh bidh fuil air damh dearg,
Cas a shiubhal an fhirich, leat chinneadh an t-sealg.
Faigh a-nuas dhuinn am botal.
'S tu marbhaich' a' choilich 's moch ghoireas air chrann,
Buic bhiorach an t-seilich agus eilid nam beann;
'S tric a leag thu na luaths a' chaol ruadhag 's a' mhang,
Nuair a ruigeadh do luaidhe cha ghluaiseadh iad eang.
Faigh a-nuas dhuinn am botal.
'S tu nàmhaid na h-eala, làmh a mhealladh a' gheòidh
B' fheàrr leat fhaicinn san adhar na na laigh' air an lòn
Air iteig ga chaitheamh 's luaidhe neimh' air a thòir
Bho ghunn' a' bheòil chumhang cha mhaireadh e beò.
Faigh a-nuas dhuinn am botal.
'S e do chruadal 's do ghaisge 's am fasan bu dual
Bhith colgarra cosant' gu brosnachadh sluaigh:
Gu h-armailteach treubhach, gu geur-lannach cruaidh:
'S tu shliochd nam fear trèine nach gèilleadh san ruaig.
Faigh a-nuas dhuinn am botal, cuir an deoch seo mun cuairt,
Lìon barrach an cupan, 's cùm socair a' chuach;
Slàinte chòirneil na fèile leis an èireadh gach buaidh,
Oighre Chnòideart a' bharraich 's Glinn Garaidh mu thuath.
Dòmhnall Eairdsidh Dòmhnallach (DE): Cà 'n cuala sibh am fear sin?
AM: Chuala mi am fear sin aig athair Curstaidh ann a sheo - athair na mnatha.
DA: 'S bhiodh e aig feadhainn eile cuideachd.
AM: Bha e aig... chuala esan e aig seann duine, fear ris an canadh iad Iain Ceannaiche.
DA: Seadh gu dearbha. 'S ann às an Eilein Sgitheanach a bha esan?
AM: Às an Eilean Sgitheanach. Ò, 's ann.
Source Type
Reel to reel
Audio Quality
Good