Raghnall mac Ailein Òig a' sàbhaladh Mhic 'ic Ailein bhon Donas.
Track Information
Original Track ID
SA1954.44.3
Original Tape ID
Summary
Raghnall mac Ailein Òig saved Clanranald from the Devil.
Donald MacDonald of Clanranald was going to Uist and asked Raghnall mac Ailein Òig to accompany him. The weather was bad. They stopped in Canna and Clanranald fell ill. They realised it was a terminal illness.
The first night Raghnall and another friend stayed with Clanranald in a house in Canna and they heard shouting outside. They saw someone there who appeared to be the Devil in human form. He was calling for the man inside to come out. Clanranald heard him and told Raghnall he must go. Raghnall spent the night keeping him in the room. The creature outside reached the doorposts, but Raghnall wouldn't let Clanranald out. The cock crew and the Devil disappeared in the direction of Sleat. Clanranald thanked Raghnall and shortly afterwards, he died.
Recording Location
County - Inverness-shire
Parish - Arisaig and Moidart
Village/Place - Arisaig
Item Location
County - Inverness-shire
Parish - Small Isles
Island - Canna
Language
Gaelic
Genre
Collection
Transcription
An oidhche a bha e fìor dhona, a' chiad oidhche a bha e dona, dona, bha Mac 'ic Ailein agus caraid eile dha fhèin a-staigh na bhun anns an rùm anns an robh e anns an taigh sa ann an Canaigh, agus dh'fhairich iad èigheach a-muigh, agus chaidh iad a-mach agus bha fear an sin, coltas fir ann co-dhiù, agus 's e am beachd a bh' aca gur e an Donas a bh' ann, ann an coltas fireannaich, agus e ag èigheach air an fhear a bha a-staigh tighinn a-mach. Agus chuala Mac 'ic Ailein an èigheach agus a' ghlaodhraich a bha a-muigh agus thuirt e ri Raghnall mac Ailein Òig:
"Feumaidh mi falbh leis. Tha e gam fheitheamh."
"Cha tèid thu a-mach à seo a-nochd," arsa Raghnall mac Ailein Òig. "Tha mise coma cò tha a-muigh ach cumaidh mise an seo thu. Chan eil thu a' dol a-mach a chionn chan e duine ceart sam bith a tha a-muigh ud."
Uill, bha Mac 'ic Ailein, bha e eadar an leabaidh 's an doras fad na h-oidhche agus Raghnall mac Ailein Òig a' dol na bhad agus ga chumail air ais. Agus bho dheireadh, am fear a bha a-muigh, bha e cho dìorrasach agus bha iad ag ràdhainn gun do ràinig e ursainn an dorais. Ach cha dèanadh siud feum; cha leigeadh an duine sgairteil a bha a-staigh, cha leigeadh e a-mach am fear eile. Bho dheireadh, ghoir an coileach agus a-mach a ghabh am fear a bha iad ag ràdhainn a bha an riochd an Donais, agus dh'fhalbh e a-mach beul acarsaid Chanaigh, agus mar a bha an naidheachd ag ràdhainn 's ann a-null ri Rubha Shlèite a ghabh e.
Fhuair am fear a bha a-staigh, an uair sin, thuig e gu math gun robh am fear a thàinig air a thòir air falbh agus thug e taing do Raghnall mac Ailein Òig airson a chumail bhuaithe. Agus glè bheag ùine an dèidh sin dhùin e a shùilean 's cha d' fhosgail e tuillidh iad. Shiud far an tàinig am bàs air.
Source Type
Reel to reel
Audio Quality
Good