Mar a dh'fheuch an 'cutter' ri Iain Mòr na Pacaid a ghlacadh...

Dòmhnall Caimbeul (DC): Fhuair iad an sin smac agus bha iad oidhche ann an Tobar Mhoire. Bha i làn de chasgaichean uisge-bheatha aca, agus thàinig an cutter a-staigh 's rug e orra, 's chaidh e... chaidh Iain Mòr, chaidh iad suas dhan hotel 's bha iad ag òl...

[Beàrn sa chlàradh an seo.]

"...dol a-mach agus nì thu fead riumsa aig Rubha nan Gall," ars esan.

Agus seo mar a bha.

"[???] gabhaibh mo leisgeul," ars esan, "tha mi a' dol a-mach."

'S dh'fhàg e an ad air a' bhòrd. 'S och, bha siud ceart gu leòr. Chàirich Iain Mòr air gu Rubha nan Gall 's chuir Dòmhnall Nìll a-mach...

[Beàrn sa chlàradh an seo.]

...Iain Mòr 's...

Calum MacIllEathain (CM): Co-dhiù, seadh.

DC: Ghabh iad suas ri Tiridhe le gaoth a deas, agus sa [?Bhun] Dubh tharraing iad air falbh i gu Bhatarsaigh - eilean ris an can iad Bhatarsaigh. Chuir iad a-mach na casgaichean air [?tèileir] a bh' air clèibh ghiomaich ann an sin, agus chaidh iad a-null 's dh'acraich iad i ri taobh a' chutter ann am Bàgh a' Chaisteil. Cha robh sgath... cha robh sgath anns an smac aca ach da bhundle de lorgan caoil - caol dubh.