Search

An Àm a Bhith a' Fàgail Ghlaschu

Track Information

Original Track ID

SA1968.154.A1

Original Tape ID

SA1968.154

Summary

In this song the bard says that he is sad to be leaving Glasgow because his girlfriend is there. He is leaving on a boat and he is sorry to be leaving her. The bard also praises Uist and says that he misses it. He names some of the people who are on the boat with him.

Item Notes

Composed by Roderick Campbell (Ròidseag), South Lochboisdale.

Recording Location

County - Inverness-shire

Parish - South Uist

Island - South Uist

Language

Gaelic

Genre

Song

Collection

SoSS

Transcription

'N àm bhith fàgail Ghlaschu air madainn moch Dimàirt
Mo chridhe trom fo airtneal, 's mi cho fad' o thìr mo ghràidh
Fàgail mo luchd-eòlais anns a' bhaile mhòr a' tàmh
'S na deòir a' ruith om shùilean 's mi cur cùlaibh ri mo ghràdh.

'S chan iongnadh ged 'iodh cianalas am-bliadhn' orm is gruaim
Falt mo chinn air liathadh, 's chan eil iall dheth a bhios buan
'S ged nach eil mi aosta thàinig caochladh air mo shnuadh
O dh'fhàg mi Uibhist àlainn, eilean àghmhor nam beann fuar.

'S e Uibhist tìr is bòidhche leam an-diugh fo neòil nan speur
'S gur tric a' snàmh an ceò air a' Bheinn Mhòir 's air Sgòrr an Fhèidh
'S a-mach mu ghualainn Mhaireabhal far 'm minig a' tàmh an sprèidh
'S bu tric air madainn cheòthar b' e mo luaidh bhith às an dèidh.

Ach 's fheudar Uibhist fhàgail 's tighinn a thàmh am measg nan Gall
'S e dh'fhàg a-nochd sa bhàta mi 's i mach air bhàrr nan tonn
An fhairge 's i na smùid againn 's an stiùir aice nam làimh
'S a cùrsa bho Cheann Èirinn leinn gu Buenos Aires thall.

'S tha gillean gasta còmhla rium cho math 's a dh'fhàg an tìr
Tha Dòmhnall ann is Alasdair, tha Cailean ann 's mi fhìn
An Uibhist nam beann àrda far na dh'àraicheadh na suinn
'S bidh fuaim ac' air a' Ghàidhlig 's iad gu h-àrd am bàrr nan cruinn.

Ach sguiridh mi dhem bhàrdachd o nach eil mo chàileachd ann
'S crìochnaichidh mi 'n dàn sa 's gun na tàlantan nam cheann
Ach ma tha an dàn dhomh tilleadh sàbhailt' innte nall
Gum faigh mi bàt' na smùide 's thèid mi null gu tìr nam beann.

Source Type

Reel to reel

Audio Quality

Good