Naidheachd mu bhean Dhonnchaidh Bhàin.
Contributors
Fieldworkers
Date
November 1969
Track ID
52948
Part 1
Track Information
Original Track ID
SA1969.173.A2
Original Tape ID
Summary
An anecdote about Duncan Bàn MacIntyre's wife.
Alasdair mac Mhaighstir Alasdair said to Duncan Bàn MacIntyre that he must have a beautiful wife, for she is so described in a song that he composed about her. Duncan Bàn invited him to go to Edinburgh so that he could see for himself. Alasdair went to Duncan Bàn's house in Edinburgh and an ugly old lady answered the door. Alasdair said that Duncan Bàn was liar, for he had never seen such an ugly old lady in all his life. Duncan Bàn replied: "You have not seen her with my eyes."
Item Subject/Person
Donnchadh Bàn [MacIntyre, Duncan Bàn]
Recording Location
County - Inverness-shire
Parish - Kilmonivaig
Village/Place - Keppoch
Language
Gaelic
Genre
Collection
Transcription
Iain MacAonghuis (IM): Seadh, dè tha seo? Dè tha seo?
Leagsaidh Chaimbeul (LC): Màiri Bhàn, sin an t-òran a rinn e air a' bhean a ghabh... a phòs e, dar a bha e a' suirghe oirre. 'S thuirt... thachair e 's Alasdair mac Mhaighstir Alasdair latha agus thuirt e:
"Uill, a Dhonnchaidh, feumaidh gur e boireannach uamhraidh brèagha a th' anns a' bhean agad, an t-òran brèagha a rinn thu dhi."
"'S e sin a th' innte," thuirt e. "Agus a' chiad triop a thig thu a Dhùn Èideann," thuirt e fhèin, "thig a choimhead ormsa agus chì thu air do shon fhèin."
Dh'fhalbh Alasdair mac Mhaighstir Alasdair agus ràinig e Dùn Èideann, agus ràinig e suas an t-àite anns an robh Donnchadh Bàn nan Òran a' fuireach, an-àird tro staidhrichean cumhann 's thàinig e gus an doras, 'D. MacIntyre' air an doras.
Ghnog e aig an doras agus thàinig cailleach mhòr, mhòr ghrànda a-mach gus an doras. Agus dh'fhaighnich e:
"A bheil Donnchadh Bàn nan Òran a-staigh?"
"Tha e, 's trobhad a-staigh," thuirt ise.
Chaidh iad a-staigh agus bha drama aca cuideachd.
'S a-niste, dh'fhalbh Alasdair mac Mhaighstir Alasdair agus dh'fhalbh Donnchadh Bàn leis ga chonvoyadh. Dar a fhuair Alasdair mac Mhaighstir Alasdair pìos air falbh bhon taigh 's bha fhios aige nach cluinneadh a' chailleach e, thuirt e:
"Uill, a Dhonnchaidh Bhàin nan Òran, tha mi a' smaoineachdainn gur tu is duine as breugaiche a bha riamh ann."
"Ciamar seo?" thuirt Donnchadh Bàn.
"An t-òran a rinn thu dhan bhean agad," thuirt e, "'s bha a h-uile buaidh fon ghrèin, 's tha mi a' smaoineachdainn gura h-i cailleach cho grànda 's a chunna mi riamh."
"Ah ge-tà, chan fhaca thusa tro mo shùilean-sa i," thuirt Donnchadh Bàn.
Leagsaidh Chaimbeul (LC): Màiri Bhàn, sin an t-òran a rinn e air a' bhean a ghabh... a phòs e, dar a bha e a' suirghe oirre. 'S thuirt... thachair e 's Alasdair mac Mhaighstir Alasdair latha agus thuirt e:
"Uill, a Dhonnchaidh, feumaidh gur e boireannach uamhraidh brèagha a th' anns a' bhean agad, an t-òran brèagha a rinn thu dhi."
"'S e sin a th' innte," thuirt e. "Agus a' chiad triop a thig thu a Dhùn Èideann," thuirt e fhèin, "thig a choimhead ormsa agus chì thu air do shon fhèin."
Dh'fhalbh Alasdair mac Mhaighstir Alasdair agus ràinig e Dùn Èideann, agus ràinig e suas an t-àite anns an robh Donnchadh Bàn nan Òran a' fuireach, an-àird tro staidhrichean cumhann 's thàinig e gus an doras, 'D. MacIntyre' air an doras.
Ghnog e aig an doras agus thàinig cailleach mhòr, mhòr ghrànda a-mach gus an doras. Agus dh'fhaighnich e:
"A bheil Donnchadh Bàn nan Òran a-staigh?"
"Tha e, 's trobhad a-staigh," thuirt ise.
Chaidh iad a-staigh agus bha drama aca cuideachd.
'S a-niste, dh'fhalbh Alasdair mac Mhaighstir Alasdair agus dh'fhalbh Donnchadh Bàn leis ga chonvoyadh. Dar a fhuair Alasdair mac Mhaighstir Alasdair pìos air falbh bhon taigh 's bha fhios aige nach cluinneadh a' chailleach e, thuirt e:
"Uill, a Dhonnchaidh Bhàin nan Òran, tha mi a' smaoineachdainn gur tu is duine as breugaiche a bha riamh ann."
"Ciamar seo?" thuirt Donnchadh Bàn.
"An t-òran a rinn thu dhan bhean agad," thuirt e, "'s bha a h-uile buaidh fon ghrèin, 's tha mi a' smaoineachdainn gura h-i cailleach cho grànda 's a chunna mi riamh."
"Ah ge-tà, chan fhaca thusa tro mo shùilean-sa i," thuirt Donnchadh Bàn.
Source Type
Reel to reel
Audio Quality
Good