A Mhic Dhùghaill 'ic Ruairidh
Fiosraichean
Luchd-clàraidh
Ceann-latha
17 June 1970
Àireamh a’ chlàir
105316
Pàirt 1
fiosrachadh a' chlàraidh
Àireamh a' Chlàir Thùsail
SA1970.133
Àireamh an Teip Thùsail
Geàrr-chunntas
Anns a' chumha seo, tha boireannach ag innse gun deach a leannan a mhurt. Bha a piuthar agus a màthair mì-thaiceil ach tha i a' moladh a h-athar. Tha i a' dubh-chàineadh a' bhuachaille. Tha i ag innse na thachair nuair a thugadh ionnsaigh air a leannan. Dh'fheuch i ri a chuideachadh nuair a bha e a' bàsachadh, ach cha do dh'fhàs e na b' fheàrr.
Notaichean a' Chlàir
According to local tradition, this is a Benbecula song. Others have suggested that it originated in Lochaber.
Neach/Cuspair a' Chlàir
Mac Dhùghaill 'ic Ruairidh
Àite Clàraidh
Siorrachd - Siorrachd Inbhir Nis
Paraiste - Uibhist a Deas
Eilean - Uibhist a Deas
Cànan
Gàidhlig
Seòrsa
Cruinneachadh
Tar-sgrìobhadh
'S a Mhic Dhùghaill 'ic Ruairidh
A chuir am buaireadh fo m' chèill-sa
A chuir an tainead mo ghruaidhean
'S a dh'fhàg mo ghruag air dhroch grèidheadh.
A chuir an tainead mo ghruaidhean
'S a dh'fhàg mo ghruag air dhroch grèidheadh.
Gura diombach mi dhem phiuthar
Nighean bhuidh' a' chùil steudaich.
Gura diombach mi dhem phiuthar
Nighean bhuidh' a' chùil steudaich.
'S gura diombach mi dhem mhàthair
Ged is màthair i dhòmhsa.
Gura diombach mi dhem mhàthair
Ged is màthair i dhòmhsa.
Gura buidheach mi dhem athair
'S e nach cuireadh droch sgeul orm.
Gura buidheach mi dhem athair
'S e nach cuireadh droch sgeul orm.
'S gura diombach mi dhen bhuachaill
A bha cuallach na sprèidhe.
Gura diombach mi dhen bhuachaill
A bha cuallach na sprèidhe.
Mac bodachain shuaraich
Dham bu dual bhith 'n gleann geugach.
Mac bodachain shuaraich
Dham bu dual bhith 'n gleann geugach.
A chaidh a dhùsgadh nam balach
Moch sa mhadainn mun d' dh'èirich.
A chaidh a dhùsgadh nam balach
Moch sa mhadainn mun d' dh'èirich.
Air thoiseach bha triùir ann
'S air an tùs bha dà reug ann.
Air thoiseach bha triùir ann
'S air an tùs bha dà reug ann.
'S thuirt mo bhràthair a b' òige
"Leigibh na balaich gu chèile."
Thuirt mo bràthair a b' òige
"Leigibh na balaich gu chèile."
'S thuirt am bràthair bu shine
"Chan e chòir ach an eucoir."
Thuirt am bràthair bu shine
"Chan e chòir ach an eucoir."
'S ann a' dìreadh a' ghàrraidh
A leig thu ghràidh a' chiad èigh às.
'S ann a' dìreadh a' ghàrraidh
A leig thu ghràidh a' chiad èigh às.
'S ann a' teàrnadh a' bhruthaich
A fhuair thu 'm bruthadh a lèir thu.
'S ann a' teàrnadh a' bhruthaich
A fhuair thu 'm bruthadh a lèir thu.
'S gun robh fuil do chom chùbhraidh
A' sruthladh ro d' lèinidh.
Gun robh fuil do chom chùbhraidh
A' sruthladh ro d' lèinidh.
'S ged a dh'òl mi ghaoil pàirt dhith
Cha do shlànaich do chreuchdan.
'S ged a dh'òl mi ghaoil pàirt dhith
Cha do shlànaich do chreuchdan.
'S o nach robh mi 's tu m' eudail
'M Belfast no Dùn Èideann.
O nach robh mi 's tu m' eudail
'M Belfast no Dùn Èideann.
No 'n tìr nam fear dubha
No 'n Còigeamh Mumhan na h-Èireann.
No 'n tìr nam fear dubha
No 'n Còigeamh Mumhan na h-Èireann.
Mun do chuir mi riamh ùidh annad
Lùib ùir a' chùil cheutaich.
A chuir am buaireadh fo m' chèill-sa
A chuir an tainead mo ghruaidhean
'S a dh'fhàg mo ghruag air dhroch grèidheadh.
A chuir an tainead mo ghruaidhean
'S a dh'fhàg mo ghruag air dhroch grèidheadh.
Gura diombach mi dhem phiuthar
Nighean bhuidh' a' chùil steudaich.
Gura diombach mi dhem phiuthar
Nighean bhuidh' a' chùil steudaich.
'S gura diombach mi dhem mhàthair
Ged is màthair i dhòmhsa.
Gura diombach mi dhem mhàthair
Ged is màthair i dhòmhsa.
Gura buidheach mi dhem athair
'S e nach cuireadh droch sgeul orm.
Gura buidheach mi dhem athair
'S e nach cuireadh droch sgeul orm.
'S gura diombach mi dhen bhuachaill
A bha cuallach na sprèidhe.
Gura diombach mi dhen bhuachaill
A bha cuallach na sprèidhe.
Mac bodachain shuaraich
Dham bu dual bhith 'n gleann geugach.
Mac bodachain shuaraich
Dham bu dual bhith 'n gleann geugach.
A chaidh a dhùsgadh nam balach
Moch sa mhadainn mun d' dh'èirich.
A chaidh a dhùsgadh nam balach
Moch sa mhadainn mun d' dh'èirich.
Air thoiseach bha triùir ann
'S air an tùs bha dà reug ann.
Air thoiseach bha triùir ann
'S air an tùs bha dà reug ann.
'S thuirt mo bhràthair a b' òige
"Leigibh na balaich gu chèile."
Thuirt mo bràthair a b' òige
"Leigibh na balaich gu chèile."
'S thuirt am bràthair bu shine
"Chan e chòir ach an eucoir."
Thuirt am bràthair bu shine
"Chan e chòir ach an eucoir."
'S ann a' dìreadh a' ghàrraidh
A leig thu ghràidh a' chiad èigh às.
'S ann a' dìreadh a' ghàrraidh
A leig thu ghràidh a' chiad èigh às.
'S ann a' teàrnadh a' bhruthaich
A fhuair thu 'm bruthadh a lèir thu.
'S ann a' teàrnadh a' bhruthaich
A fhuair thu 'm bruthadh a lèir thu.
'S gun robh fuil do chom chùbhraidh
A' sruthladh ro d' lèinidh.
Gun robh fuil do chom chùbhraidh
A' sruthladh ro d' lèinidh.
'S ged a dh'òl mi ghaoil pàirt dhith
Cha do shlànaich do chreuchdan.
'S ged a dh'òl mi ghaoil pàirt dhith
Cha do shlànaich do chreuchdan.
'S o nach robh mi 's tu m' eudail
'M Belfast no Dùn Èideann.
O nach robh mi 's tu m' eudail
'M Belfast no Dùn Èideann.
No 'n tìr nam fear dubha
No 'n Còigeamh Mumhan na h-Èireann.
No 'n tìr nam fear dubha
No 'n Còigeamh Mumhan na h-Èireann.
Mun do chuir mi riamh ùidh annad
Lùib ùir a' chùil cheutaich.
Cruth Inneal a' Chlàir
Reel to reel
Càileachd an Fhuaime
Math