Boban Saor agus a mhac a' togail caisteal do Rìgh Lochlainn....
fiosrachadh a' chlàraidh
Àireamh a' Chlàir Thùsail
SA1971.186.A8
Àireamh an Teip Thùsail
Geàrr-chunntas
Boban Saor agus a mhac a' togail caisteal do Rìgh Lochlainn.
Bha Boban Saor pòsta agus bha e na shàr shaor. Bha aon mhac aige nach robh cho comasach ris fhèin. Chuir Boban e dhan mhargadh agus dh'iarr e air caoraich a reic, ach an toirt air ais thuige. Bha aon bhoireannach a dh'aontaich ris a seo. Thug i leatha iad agus fhuair i fir gus an rùsgadh. Phàigh i airson na clòimhe agus thug an gille air ais na caoraich gu athair. Chuir Boban an gille a phòsadh a' bhoireannaich, agus dh'aontaich i.
Bha snighe anns an taigh. Aon latha, chunnaic i Boban a' tughadh a thaighe fhèin. Rinn ise tuill anns an tughadh aige. Cha robh Boban a' tuigsinn dè mar a thachradh seo, agus thuirt e: "Shìn mise a h-uile mac gas a chuir mi air an taigh cho sìnte 's ghabhadh e sìneadh." Nuair a bha an duine aice a' tughadh an taighe, dh'innis i dha mar a bha athair ga dhèanamh, agus bha an tughadh gu tur dìonach. Theagaisg a' bhean a h-uile rud dha anns an aon dòigh.
Dh'iarr Rìgh Lochlainn air Boban Saor caisteal a thogail dha. Chaidh a mhac còmhla ris. Ràinig iad Lochlann aig a' cheann thall, an dèidh do bhean a' ghille cùisean a dhèanamh rèidh an dèidh beagan de dhragh aig an toiseach. Dh'iarr bean a' ghille air leannan fhaighinn am measg nan searbhantan. Nuair a bha an caisteal cha mhòr deiseil, dh'innis an searbhanta dhan ghille gun robhar am beachd e fhèin agus athair a mhurt. Chuidich bean a' ghille e fhèin agus athair a shàbhaladh, oir rinn i an gnothach air mac an rìgh a ghlasadh san taigh aice. Chuir Boban agus a mhac crìoch air a' chaisteal. Fhuair iad an t-airgead, agus thill iad dhachaigh gu sàbhailte.
Notaichean a' Chlàir
The contributor learned this story from his father.
Neach/Cuspair a' Chlàir
Boban Saor
Cànan
Gàidhlig
Seòrsa
Cruinneachadh
Cruth Inneal a' Chlàir
Reel to reel
Càileachd an Fhuaime
Math