Ho Mo Leannan He Mo Leannan
Fiosraichean
Luchd-clàraidh
Ceann-latha
27 November 1975
Àireamh a’ chlàir
95202
Pàirt 1
fiosrachadh a' chlàraidh
Àireamh a' Chlàir Thùsail
SA1975.223.B4
Àireamh an Teip Thùsail
Geàrr-chunntas
Anns an òran luaidh seo tha boireannach a' moladh a leannain. Tha i ga mholadh airson a chomasan seinn agus airson a bhòidhchead. Ge-tà, tha i duilich gu bheil e a-nis air a fàgail.
Àite Clàraidh
Siorrachd - Meadhan Lodainn
Paraiste - Dùn Èideann
Baile/Àite - Dùn Èideann
Cànan
Gàidhlig
Seòrsa
Cruinneachadh
Tar-sgrìobhadh
Uilleam MacMhathain (UM):
Hó mo leannan hé mo leannan
'S e mo leannan am fear ùr,
Hó mo leannan hé mo leannan.
'S e mo leannan gille Caluim
Stiùireamaich' an daraich thu.
'S e mo leannan am fear donn
A thogadh fonn air bàt' an t-siùil.
'S e mo leannan am fear dualach
Air na dh'fhàs an cuailean dlùth.
'N cuala sibh mar dh'èirich dhòmhsa
Chuir an t-òigear rium a chùl.
Comhairl' bheirinn-sa air gruagaich
A bhith cumail suas ri triùir.
Ged a dhèanadh fear a fàgail
Bhiodh a làmh aic' air fear ùr.
Iain Peatarsan (IP): Seadh a-nise, dè...
UM: Uill, bha am fear ud a-rithist aig piuthar mo mhàthar, ach bha e aig mo mhàthair cuideachd, agus... ach chuala mi tric e.
IP: Chuala. Bhiodh e aca air na luathaidhean.
UM: Bhitheadh, bhitheadh. Chuala mi tric e. Agus 's dòcha gun cuala mi tuilleadh air a siud dheth, ach siud na th' agam air chuimhne dheth.
IP: Ach chan eil fhios càit às an tàinig an t-òran?
UM: Chan eil, chan eil.
Hó mo leannan hé mo leannan
'S e mo leannan am fear ùr,
Hó mo leannan hé mo leannan.
'S e mo leannan gille Caluim
Stiùireamaich' an daraich thu.
'S e mo leannan am fear donn
A thogadh fonn air bàt' an t-siùil.
'S e mo leannan am fear dualach
Air na dh'fhàs an cuailean dlùth.
'N cuala sibh mar dh'èirich dhòmhsa
Chuir an t-òigear rium a chùl.
Comhairl' bheirinn-sa air gruagaich
A bhith cumail suas ri triùir.
Ged a dhèanadh fear a fàgail
Bhiodh a làmh aic' air fear ùr.
Iain Peatarsan (IP): Seadh a-nise, dè...
UM: Uill, bha am fear ud a-rithist aig piuthar mo mhàthar, ach bha e aig mo mhàthair cuideachd, agus... ach chuala mi tric e.
IP: Chuala. Bhiodh e aca air na luathaidhean.
UM: Bhitheadh, bhitheadh. Chuala mi tric e. Agus 's dòcha gun cuala mi tuilleadh air a siud dheth, ach siud na th' agam air chuimhne dheth.
IP: Ach chan eil fhios càit às an tàinig an t-òran?
UM: Chan eil, chan eil.
Cruth Inneal a' Chlàir
Reel to reel
Càileachd an Fhuaime
Math