An Tèid Thu Leam a Mhàiri Lurach
Fiosraichean
Luchd-clàraidh
Ceann-latha
28 January 1960
Àireamh a’ chlàir
98409
Pàirt 1
fiosrachadh a' chlàraidh
Àireamh a' Chlàir Thùsail
SA1960.46.10
Àireamh an Teip Thùsail
Geàrr-chunntas
Anns an òran seo tha am bard a' faighneachd do Mhàiri am falbh i còmhla ris ge brith càit am bi iad air am fuadach. Tha e ag innse gu bheil e còrr is trì fichead bliadhna a dh'aois agus gu bheil e air liathadh, ach thathar ga chur às an taigh aige. Thèid an sluagh fhuadach agus bidh iad air an sgapadh air feadh na dùthcha. Tha e dhen bheachd gur e ana-ceartas mòr a tha seo. Am fear aig am bi crodh is caoraich gheibh e àite ach chan fhaigh an duine bochd rud sam bith.
Àite Clàraidh
Siorrachd - Siorrachd Inbhir Nis
Paraiste - Uibhist a Deas
Eilean - Uibhist a Deas
Cànan
Gàidhlig
Seòrsa
Cruinneachadh
Tar-sgrìobhadh
Tormod MacIlleMhaoil: Òran no dhà an seo a rinneadh an àm fuadach nan Gàidheal, a' tòiseachadh le 'An tèid thu leam a Mhàiri lurach'.
'S an tèid thu leam a Mhàiri lurach?
'M falbh thu leam a Mhàiri lurach?
Thugainn, thugainn às seo buileach
Chan fhaod sinn fuireach aig a' bhàillidh.
'S tha mi còrr 's trì fichead bliadhna
Tha mo chiabhagan air liathadh.
Saoil sib' fhèin nach olc an riaghladh
Dhol gam chur am-bliadhn' gu àirigh.
An tèid thu leam a Mhàiri lurach?
'M falbh thu leam a Mhàiri lurach?
Thugainn, thugainn às seo buileach
Chan fhaod sinn fuireach aig a' bhàillidh.
'S am fear aig am bi crodh is caoraich
Gheibh e àite bidh e smaointinn.
Cha bhi na faithntean air faotainn
Bheir e caob à cuid a nàbaidh.
An tèid thu leam a Mhàiri lurach?
'M falbh thu leam a Mhàiri lurach?
Thugainn, thugainn às seo buileach
Chan fhaod sinn fuireach aig a' bhàillidh.
'M fear a bhitheas air bheagan stòrais
Gheibh e àite bidh e 'n dòchas
Null a ghàraidh muigh sa mhòintich
Bheir do lòn às air neo bàsaich.
An tèid thu leam a Mhàiri lurach?
'M falbh thu leam a Mhàiri lurach?
Thugainn, thugainn às seo buileach
Chan fhaod sinn fuireach aig a' bhàillidh.
'S an tèid thu leam a Mhàiri lurach?
'M falbh thu leam a Mhàiri lurach?
Thugainn, thugainn às seo buileach
Chan fhaod sinn fuireach aig a' bhàillidh.
'S tha mi còrr 's trì fichead bliadhna
Tha mo chiabhagan air liathadh.
Saoil sib' fhèin nach olc an riaghladh
Dhol gam chur am-bliadhn' gu àirigh.
An tèid thu leam a Mhàiri lurach?
'M falbh thu leam a Mhàiri lurach?
Thugainn, thugainn às seo buileach
Chan fhaod sinn fuireach aig a' bhàillidh.
'S am fear aig am bi crodh is caoraich
Gheibh e àite bidh e smaointinn.
Cha bhi na faithntean air faotainn
Bheir e caob à cuid a nàbaidh.
An tèid thu leam a Mhàiri lurach?
'M falbh thu leam a Mhàiri lurach?
Thugainn, thugainn às seo buileach
Chan fhaod sinn fuireach aig a' bhàillidh.
'M fear a bhitheas air bheagan stòrais
Gheibh e àite bidh e 'n dòchas
Null a ghàraidh muigh sa mhòintich
Bheir do lòn às air neo bàsaich.
An tèid thu leam a Mhàiri lurach?
'M falbh thu leam a Mhàiri lurach?
Thugainn, thugainn às seo buileach
Chan fhaod sinn fuireach aig a' bhàillidh.
Cruth Inneal a' Chlàir
Reel to reel
Càileachd an Fhuaime
Math