Muiltean.
fiosrachadh a' chlàraidh
Àireamh a' Chlàir Thùsail
SA1955.161.B2b & B2c
Àireamh an Teip Thùsail
Geàrr-chunntas
Muiltean.
Tha am fiosraiche a' bruidhinn air cruadal na seann aimsir. Bhiodh biadh gann nuair a theirigeadh a' mhin a bha iad fhèin a' dèanamh. Bha mòran mhuiltean anns an sgìre aig aon uair, ach cha robh ach aon mhuileann ag obair ri linn an fhiosraiche, nuair a bha e na bhrogach beag. Tha cuimhne aige a dhol ann còmhla ri athair, agus am muillear fhaicinn. Bha an duine seo geal, bho bhonn a chois gu mullach a chinn le smod a' mhuilinn - am min air an robh e ag obair. Bha seanfhacal ann, 'Am fear a bhios anns a' mhuileann, bidh smod a' mhuilinn air' - a' ciallachadh, ma nì duine mì-mhodh, leanaidh sin ris.
Notaichean a' Chlàir
Uncommon word: 'smod' meaning mill dust.
Cànan
Gàidhlig
Cruinneachadh
Tar-sgrìobhadh
"Ò," arsa mise, "nach e a bha geal," arsa mise, "an ann liath a tha e?"
"Ò chan ann," arsa m' athair, ars esan, "ach shiud agad," ars esan, "smod a' mhuilinn."
An cuala tu riamh rud ris an can iad smod a' mhuilinn? Ag obair air a' mhin, 's bha an duine sa a bha timcheall air bha e... bha e geal mar a' mhin.
Chuala sibh fhèin an seanfhacal, 'Am fear a bhios anns a' mhuileann bidh smod a' mhuilinn air'. Tha sin a' ciallachadh, tha fhios a'd, ma nì thu mì-mhodh, leanas e riut, no... 'S e.
Cruth Inneal a' Chlàir
Reel to reel
Càileachd an Fhuaime
Math