Mo Nighean Donn na Hùg Hù
Contributors
Fieldworkers
Date
23 October 1970
Track ID
110018
Part 1
Part 2
Track Information
Original Track ID
SA1970.354.A11+B1
Original Tape ID
Summary
A love song by a Skye sailor who is unhappy at losing a girl he loved from the Portree area. He admits, however, to his affairs with two other girls; one in Glasgow and one in Uig.
Recording Location
County - Midlothian
Parish - Edinburgh
Village/Place - Edinburgh
Item Location
County - Inverness-shire
Parish - Portree
Island - Skye
Language
Gaelic
Genre
Collection
Transcription
An t-Urr. Tormod Dòmhnallach (TD):
Mo nighean donn ó hó gù
Thug mi rùn dhut is gràdh.
Bidh mi tuilleadh ga do chaoidh
H-uile h-oidhch' agus là.
'S ann aig ceann Loch Phort Rìgh
A tha rìbhinn a' tàmh;
Cas as dìrich sheas am bròig
Beul as bòidhche nì gàir'.
Mo nighean donn ó hó gù
Thug mi rùn dhut is gràdh.
Bidh mi tuilleadh ga do chaoidh
H-uile h-oidhch' agus là.
Thug mi dhachaigh brògan ùr
Às a' bhùth dhut Dimàirt,
Air am fuaghal mun cuairt
'S cruidhean cruaidh air an sàil.
Mo nighean donn ó hó gù
Thug mi rùn dhut is gràdh.
Bidh mi tuilleadh ga do chaoidh
H-uile h-oidhch' agus là.
Mura bitheadh tu fèin
Bhithinn rèidh riut gu bràth;
Bheirinn thugad gùn den t-sìod'
Nall à Sìna gun dàil.
Mo nighean donn ó hó gù
Thug mi rùn dhut is gràdh.
Bidh mi tuilleadh ga do chaoidh
H-uile h-oidhch' agus là.
Chan eil leannan agam fèin
Fon a' ghrèin ach a dhà;
Tè dhiubh 'n Glaschu nam bùth
'S tè dhiubh an Ùige a' tàmh.
Mo nighean donn ó hó gù
Thug mi rùn dhut is gràdh.
Bidh mi tuilleadh ga do chaoidh
H-uile h-oidhch' agus là.
Tè an Glaschu nam bùth, 's tè an Ùige. Am beachd leannan Ceann Loch Phort Rìgh, bha dithis tuilleadh 's a' chòir aige. Nì a dh'adhbharaich gun do leig i, 's bu sraonaiseach, cead a choise dha.
Iain Peatarsan (IP): Agus cò bha sibh a' radha a rinn an t-òran seo?
TD: Ò, tha, rinn fear a bha na dheagh shuirghiche, ach tha eagal orm gun robh tuilleadh 's a' chòir de leannanan aige, agus 's e sin bu choireach gun do chaill e... gun do chaill e nighean Ceann Loch Phort Rìgh. Agus rinn e an t-òran seo ga caoidh. 'S e seòladair a bh' ann.
IP: Ach chan eil fhios agaibh cò an dearbh dhuine a bh' ann?
TD: Chan eil fhios a'm cò an dearbh dhuine a bh' ann, ach 's e Sgitheanach a bh' ann co-dhiù. 'S e.
Mo nighean donn ó hó gù
Thug mi rùn dhut is gràdh.
Bidh mi tuilleadh ga do chaoidh
H-uile h-oidhch' agus là.
'S ann aig ceann Loch Phort Rìgh
A tha rìbhinn a' tàmh;
Cas as dìrich sheas am bròig
Beul as bòidhche nì gàir'.
Mo nighean donn ó hó gù
Thug mi rùn dhut is gràdh.
Bidh mi tuilleadh ga do chaoidh
H-uile h-oidhch' agus là.
Thug mi dhachaigh brògan ùr
Às a' bhùth dhut Dimàirt,
Air am fuaghal mun cuairt
'S cruidhean cruaidh air an sàil.
Mo nighean donn ó hó gù
Thug mi rùn dhut is gràdh.
Bidh mi tuilleadh ga do chaoidh
H-uile h-oidhch' agus là.
Mura bitheadh tu fèin
Bhithinn rèidh riut gu bràth;
Bheirinn thugad gùn den t-sìod'
Nall à Sìna gun dàil.
Mo nighean donn ó hó gù
Thug mi rùn dhut is gràdh.
Bidh mi tuilleadh ga do chaoidh
H-uile h-oidhch' agus là.
Chan eil leannan agam fèin
Fon a' ghrèin ach a dhà;
Tè dhiubh 'n Glaschu nam bùth
'S tè dhiubh an Ùige a' tàmh.
Mo nighean donn ó hó gù
Thug mi rùn dhut is gràdh.
Bidh mi tuilleadh ga do chaoidh
H-uile h-oidhch' agus là.
Tè an Glaschu nam bùth, 's tè an Ùige. Am beachd leannan Ceann Loch Phort Rìgh, bha dithis tuilleadh 's a' chòir aige. Nì a dh'adhbharaich gun do leig i, 's bu sraonaiseach, cead a choise dha.
Iain Peatarsan (IP): Agus cò bha sibh a' radha a rinn an t-òran seo?
TD: Ò, tha, rinn fear a bha na dheagh shuirghiche, ach tha eagal orm gun robh tuilleadh 's a' chòir de leannanan aige, agus 's e sin bu choireach gun do chaill e... gun do chaill e nighean Ceann Loch Phort Rìgh. Agus rinn e an t-òran seo ga caoidh. 'S e seòladair a bh' ann.
IP: Ach chan eil fhios agaibh cò an dearbh dhuine a bh' ann?
TD: Chan eil fhios a'm cò an dearbh dhuine a bh' ann, ach 's e Sgitheanach a bh' ann co-dhiù. 'S e.
Source Type
Reel to reel
Audio Quality
Good