Dathadh.

Murdo John MacLean (MM): Seallaidh, bha iad a' toir nan dathan a bha iad a' cur air an aodach. 'S chunna mise mi fhìn na mo leanabh a' tional an fhraoich dha mo mhàthair 's ga ghearradh le làmhag, 's ga phronnadh, 's i ga bhruich, 's ga shìoladh, 's a' toir dath gorm às cho brèagha 's a chunna sibh riamh.

Calum MacIllEathain (CM): Dath gorm às an fhraoch.

MM: Seadh. A' sgileadh a' chrotail dhe na cl-... dhe na creagan. A' toir dath buidhe às a' chrotal. A' toir an t-sùith às an t-similear, no a' cumail an t-sùith, 's a' goil sin 's a' toir dath brèagha às a sin. A' toir dathan brèagha eile às an fheamainn anns a' chladach. An-tà, thèid iad an-diugh, 's ann a thèid iad dhan a' bhùth 's tilgidh iad a-bhàn gràinne sgillinnean 's gheibh iad e.

CM: Ò, sin agaibh mar a tha.

MM: 'S e, mar a tha.