O a Phiùthrag Olc a Phiuthar

O phiùthrag olc o phiuthar
'S minig a dh'innseadh dhut a rùin
'S mòr bu luaithe thigeadh sgeul
Mach orra* bheul no orra ghlùin. [*air do]

Hóro ille dhuinn shunndaich
Hó shunndaich, hó rùnaich
Hóro ille dhuinn shunndaich
Chùm thu raoir nam dhùsgadh mi.

Gheall mo leannan dhòmhsa brèid
Gheall e 'n-diugh e, gheall e 'n-dè e
Agus dà sheachdain deug
Airson i* dealaichte ri chèile. [*bhith]

Gheall mo leannan dhòmhsa cìr
Gheall e crios dhomh agus stìom
Airson coinneamh dhèanamh ris
Am bun a' phreas mun èireadh grian.

Chì mi mo thriùir bhràithrean donna
Air an eachaibh loma luatha
Claidheamh gun robh 'm bun an clèibh
Is fuil an cridhe sileadh bhuap'.

B' fheàrr leam na cuid òr na cruinne
Na eudail an domhain gu lèir
Thusa ghràidh thighinn bhon chnoc uaine
Dol don uaigneas sinn leinn fhèin.