Mar a chuidich Fear Stadhlaigearraidh boireannach gus a pàis...
Track Information
Original Track ID
SA1958.89.A9
Original Tape ID
Summary
How Fear Stadhlaigearraidh helped a woman to get her real baby back from the fairies.
The fairies used to steal children. A woman came home to find the baby in the cradle crying incessantly. She took advice from an old man and took the baby to see Fear Stadhlaigearraidh. He threatened her and told her to go away, but she said "red pig" and stepped inside. He picked up a stick and went to hit her. The baby turned into a grey-haired creature and leapt out of her arms. Fear Stadhlaigearraidh let her in and when she went home her real baby was there.
Recording Location
County - Argyllshire
Item Location
County - Inverness-shire
Parish - South Uist
Island - South Uist
Village/Place - Stilligarry
Language
Gaelic
Genre
Collection
Transcription
Peggy MacDonald (PM): Bhitheadh, agus bha tè ann an sin agus thàinig i... bha i air falbh an àiteigin agus thàinig i dhachaigh agus, ò, bha am pàiste anns a' chreathail 's bha e a' rànaich 's bha e a' caoineadh 's cha ghabhadh rud sam bith cur air. Bha... Dh'òladh e an rud nach fhaca e 's dh'itheadh e. Dh'fhalbh i sin gu seann duine, agus bha Fear Stadhlaigearraidh, 's e duine [?doirbh] a bh' ann - bha e mar gum biodh rìgh. Agus thuirt am fear sin ris:
"'S fheàrr dhut," ars esan, "a dhol gu Fear Stadhlaigearraidh, agus bheir leat am pàiste sin," ars esan, "agus nuair a mhaoidheas e ort - maoidhidh e a-mach às an taigh ort," ars esan, "na teirig a-staigh idir. Seas anns an doras," ars esan. "Ma mhaoidheas e a-mach às an taigh ort, abair 'muc dhearg', agus thèid ceum a-staigh."
Agus co-dhiù, dh'fhalbh i agus thug i leatha am pàiste, agus:
"Dè," ars esan, "a chuir an seo thu? Tarraing a-mach às a seo."
"Muc dhearg," ars ise.
Agus mhaoidh e seo a-rithist oirre.
"Tarraing air falbh," ars esan, "cho luath 's rinn thu riamh," ars esan, "a-mach às a seo."
"Muc dhearg," ars ise, 's i a' dol a-staigh.
Agus rug e sin air bata agus bha e a' dol a chur an eanchainn aiste. Agus leum am fear ud a-mach às a h-uchd 's ceann glas air 's a-null an stairseach. Thug e sin a-staigh i:
"Trobhad, a chreutair," ars esan, "a-staigh," ars esan. "Tha thu fada gu leòr a' cumail an fhir ud."
Agus thug e a-staigh i 's thug e biadh 's deoch dhi.
"Thalla a-nist dhachaigh," ars esan. "Bidh do phàiste fhèin a-staigh romhad."
Bha sin a-nist ceart gu leòr, tha e coltach. Bha.
Source Type
Reel to reel
Audio Quality
Good