Fiosrachadh mun ainm Tuimisgearraidh.

Fionnlagh MacIllEathain (FM): Agus ri taobh an àite sin, 's e Tuimisgearraidh a th' air an-diugh. Timsgarry. Agus 's e Tom... 's e Gàidhlig a th' againn ceart air a sin, Tom an Sgoraidh, far an robhas a' pàigheadh... chuala sinn uile mu dheidhinn a' bhàrr-sgoraidh a bhiodh aca, agus sumanadh. Agus 's ann an siud a bhiodh muinntir Leòdhais gu lèir a' pàigheadh an sgoradh, na tagsaichean aca, no am màl. Agus an t-ainm a bh' air a' bhaile sin ron a sin, 's e Cìseabhal, agus 's e an aon ainm... 's e an aon ainm a th' ann an Cìseabhal agus a th' ann an Tom an Sgoraidh.

Iain Peatarsan (IP): 'S e, dìreach. 'S e an aonan àite a th' ann, 's e.

FM: 'S e an aon àite a th' ann. 'S e an aon ainm a th' ann. Ach gun robh iad ga thoirt beagan air falbh bho na Lochlannaich.

IP: Ach a-nise, a bheil am facal sgoradh agaibhse airson pàigheadh màil?

FM: Bha rim òige 's bha e ann... bha iad a' pàigheadh... bhathar a' pàigheadh na... bàrr-sgoraidh a bh' aca air, 's bha thu... nuair a bha croit agad, sreath, agus dè am màl a bha thu a' pàigheadh, chan eil fhios a'm an e còig [?chuirich] dheug gun an not a bh' ann, no rudeiginich den t-seòrsa sin, ach 's ann mar sin a bha e a' dol.

IP: Ach chanadh tu: "An do phàigh thu sgoradh?" An e? An cleachdadh tu anns an dòigh ud e?

FM: 'S e bàrr-sgoraidh a bhiodh againne air. Ach bhiodh am bàrr-sgoraidh aca an-còmhnaidh, ach tha mi a' smaoineachadh gur e am bàrr-sgoraidh, gun robh e ri ciallachadh limit, gur e a bha...

IP: Ò seadh, seadh. Sin agaibh e. Dìreach an rud a bu mhotha air an do chuireadh...

FM: Ma bha e na bu mhotha na [???] gun robh thu a' pàigheadh air.

IP: Seadh, dìreach. Ò glè mhath. Tha seo dìreach... Agus tha beachd agad am facal seo a chluinntinn nad òige am measg na...

FM: Chuala tric.