Na thachair dha triùir chloinne a chaidh a ghoid le droch ph...

Dòmhnall Eairdsidh Dòmhnallach (DE): Nist, bha mise a' leughadh rudeigin mu dheidhinn seòrsa dhen an stòiridh a bha sin, agus tha... chan eil fhios a'm, 's dòcha nach e an aon dòigh a bh' ann idir, ach bha... an dòigh a bha... chan e stòiridh fhèin a bh' ann idir, ach rud a bha mi a' leughadh mu deidhinn, agus 's ann a bha i a' tòiseachadh mar gum biodh triùir nigheanan, peathraichean. Agus bha iad a' dèanamh suas eatorra dè seòrsa duine a chòrdadh riutha a phòsadh. Agus bha rìgh... an rìgh a bh' air an àite, chuala e iad, chuala e an tè a b' òige, 's chan eil fhios a'm dè bha ise a' ràdh, ach bha esan ag iarraidh ise a phòsadh. Agus bha triùir... phòs iad, agus bha triùir chloinne aca, cha chreid mi. Agus... dithis ghillean agus nighean. Ach 's ann... chan eil fhios a'm... 's ann a bhathar... bha na peathraichean a' feuchainn ri olc air choreigin a thilgeil oirrese, mar gum biodh i... Ò bha iad... 's ann a bha iad mar gum biodh iad a' goid na cloinne, mar a bha sa... mar a bha ann an sgeulachd an Tuairisgeil Mhòir, agus bha iad a' cur cuileanan nan àite no rudeigin. Agus chan eil fhios a'm ciamar a thàinig an gnothach, gum b' fheudar dha na triùir, dhan a' chlann co-dhiù, dha na gillean agus dhan an nighinn falbh feuch am faigheadh iad na rudan a bha sin. [???] Tha... an t-eun, eun na bruidhne, 's uisge nan tobraichean... dè... an e na tobraichean airgid no rudeigin mar sin. Agus chan eil fhios a'm càit an deach na gillean ceàrr. 'S iad a dh'fhalbh air thoiseach. Dh'fhalbh an toiseach a' chiad fhear 's dh'fhalbh an uair sin an ath fhear. Ach ge brith dè chaidh ceàrr, no dè rinn iad ceàrr, chaidh an tionndadh nan carrachan-cloiche, tha mi a' smaoineachadh. Agus dh'fhalbh an nighean an uair sin, agus fhuair ise an gnothach ceart, agus fhuair i na gillean a bheir air ais cuideachd dòigh air choreigin.

Dòmhnall Alasdair Johnson (DA): Fhuair. Thug i...

DE: Nist, an ann rudeigin mar sin a bha i mar a chuala sibhse i?

DA: 'S ann. 'S ann. Thionndaidh na gillean gu daoine air ais, mar... an fheadhainn a thionndaidh nan carragh-cloiche.

DE: Feuch a-nist an studaig sibh, a thoradh 's dòcha gun tig i air ais thugaibh às a dhèidh siud. Agus feuch am bi sibh a' studaigeadh siud a-nist. Thoradh, 's dòcha nach ann mar siud a bha i agaibhse idir, ach 's dòcha gur ann rudeigin mar siud a bha i.

DA: 'S ann car mar sineach a bha i. 'S e rudeigin dhen t-seòrsa sin a bh' ann.

DE: Uill, co-dhiù biodh sibhse ga studaigeadh, agus chan eil fhios... bidh mi a-bhos fhathast air an t-seachdain sa tighinn, fhios agaibh, mum falbh mi, agus chan eil fhios nach bi sibh air cuimhneachadh air rudeigin.

DA: [???] Ma chuimhnicheas sinn oirre 's dòcha gu... math dh'fhaodte gum faiceamaid a chèile airson...

DE: Ò uill, tha mi an dòchas gu... tha mi an dòchas gum faic air an t-seachdain sa tighinn.