Dotair Rathuaidhe a' leigheas nighean.
Contributors
Fieldworkers
Date
12 March 1953
Track ID
8592
Part 1
Track Information
Original Track ID
SA1953.23.A2
Original Tape ID
Summary
Dr Rathuaidhe healing a girl's knee.
A girl went to Dr Rathuaidhe with a knee complaint. He asked if she herded animals and sat in the grass. She said she did. A tick had gone right into her knee. He removed it.
Language
Gaelic
Genre
Collection
Transcription
An t-Urramach Tormod Dòmhnallach: Tha na h-uiread de sgeulachdan air innse mu dheidhinn Dotair Rathuaidhe ann an Earra-Ghàidheal. Chuala mi turas a chaidh caileag òg ga ionnsaigh agus giamh air choreigin air tighinn na glùin. Nuair a chaidh i air a bheulaibh 's a thug e sùil air a glùin, chuir e ceist oirre:
"A bheil thu," ars esan, "a' buachailleachd?"
"Tha," ars ise. "Tha mi a' buachailleachd," ars ise, "glè thric."
"Agus a bheil cleachdadh agad," ars esan, "a bhith na do shuidhe air an fheur, agus uaireannan," ars esan, "a bhith air do ghlùin?"
"Ò, gu minig," ars ise. "Tha cleachdadh agam a bhith a' cur mo ghlùin fodham air an fheur airson greisean."
"Bha mi a' smaoineachadh sin," ars esan. "Agus a bheil fhios agad gu dè tha ceàrr? Tha gartan-feòir air a dhol a-staigh nad fheòil agus air a rathad a dhèanamh a-staigh fo fhailmean na glùin, 's feumaidh sinne an gartan a tha ann an sin a thoirt às."
Rinn e seo. Thog e am failmean, 's mar a thuirt e, fhuair e an gartan. 'S b' e sin an gartan. Bha e air fàs cho mòr, agus 's e sin a rinn trioblaid na h-ighinn.
Cha bu luaithe a chaidh an gartan a thoirt air falbh agus an lot a chàradh suas na thòisich an nighean a' sìor fhàs gu math, agus ann an ùine glè ghoirid cha robh càil air a glùin.
"A bheil thu," ars esan, "a' buachailleachd?"
"Tha," ars ise. "Tha mi a' buachailleachd," ars ise, "glè thric."
"Agus a bheil cleachdadh agad," ars esan, "a bhith na do shuidhe air an fheur, agus uaireannan," ars esan, "a bhith air do ghlùin?"
"Ò, gu minig," ars ise. "Tha cleachdadh agam a bhith a' cur mo ghlùin fodham air an fheur airson greisean."
"Bha mi a' smaoineachadh sin," ars esan. "Agus a bheil fhios agad gu dè tha ceàrr? Tha gartan-feòir air a dhol a-staigh nad fheòil agus air a rathad a dhèanamh a-staigh fo fhailmean na glùin, 's feumaidh sinne an gartan a tha ann an sin a thoirt às."
Rinn e seo. Thog e am failmean, 's mar a thuirt e, fhuair e an gartan. 'S b' e sin an gartan. Bha e air fàs cho mòr, agus 's e sin a rinn trioblaid na h-ighinn.
Cha bu luaithe a chaidh an gartan a thoirt air falbh agus an lot a chàradh suas na thòisich an nighean a' sìor fhàs gu math, agus ann an ùine glè ghoirid cha robh càil air a glùin.
Source Type
Reel to reel
Audio Quality
Fair