An Gille Dubh Cha Trèig Mi

Sèist

An gille dubh cha trèig mi
'S le fear a' chruidh cha tèid mi,
An gille dubh cha trèig mi
Bhon thug mi fhèin mo ghealladh dha.

Is e mo ghaol an t-uasal
A dh'imich thar nan cuantan.
Bu shealgair choileach ruadh e
Mun gluaiseadh iad sa chamhanaich.

Gur e mo ghaol an t-òigear
Aig bheil a' mheall-shuil bhòidheach.
Gun aithnichinn do cheum còmhnard
A-mach air lòin a' bhaile seo.

Ma rinn thu mis' a threigsinn
An comhairle luchd-breige,
Mo mhìle beannachd fèin leat
Bhon 's e gum b' fheudar dealachadh.