An Gille Guanach
Lyrics:
Sèist
Mo ghille guanach hug ì ri ò ro
Mo ghille guanach ho ro bha hì,
Fhleasgaich uasail an leadain dualaich
Tha mi fo ghruaim bhon a dh'fhàg thu 'n tìr.
'S ann Didòmhnaich a' dol don chlachan
A ghabh mi beachd ort am measg nan ceud,
Ge b' e gòraich e na faoineachd,
'S e 'n ceangail gaol sinn an snaim nach gèill.
Tha do chalpannan foinnidh dealbhach,
Gun bhith garbh is gun bhith caol,
Gura bòidheach glan a dh'fhàs thu,
'S gur h-iomadh àilleachd a th' air mo ghaol.
Thuirt iad rium gu bheil thu bàidheil,
Gu bheil do ghràdh air a h-uile tè,
Gus am faic mi e nad àbhaist,
Mise a ghràidh, cha chreid an sgeul.
Nuair a thèid thu do Dhun Èideann
Fear do cheuma chan fhalbh an t-sràid,
Bidh na Baintighearnan uil' an dèigh ort,
'S bidh mi fhìn mar thè do chàch.