Mìle Marbhaisg Air A' Ghaol

Cha tèid mise cha tèid mi
O hi rì ri rì ri iù
Cha tèid mi le mac a' mhaoir
O hi iù a ò hug ò
O hi iù a ò hi iù
Hao ri iù a hò hug ò.

Chan eil ann ach oigear faoin

B' annsa fear a' leadain duinn

Rachadh air ùilinn 's an fhraoch

Mharbhadh feadag is cearc fhraoich

Lacha bheag a' mhùineil chaoil

No idir do mhac an t-saoir

Cha tèid mi le fear san tìr

Gus an till mo leannan fhìn

Giomanach a ghunna chaoil

Leagadh an eal' air a taobh

'S earba bheag nan geàrr-chas caol

Mìle marbhaisg air a' ghaol

Dh'fhuasgail e am falt far mo chinn

Mun fhear a dh'fhalbh is nach till