Dèan Bà Bà Mo Leanabh

Dèan ba ba, mo leanabh, dèan cadal a rùin,
'S a' mhadainn gu moch-thrathach dh'fhosgail thu sùil,
Nuair bha eunlaith an doire ri coireal 's puirt-ciùil
Bha thu 'd mhàgaran-làir a' sàrach nan glùn.

Tha na blàithean as àillidh tha fàs air na tuim,
A' bhuidheag 's an neòinean 's iad òr-bhuidhe cruinn,
An canachan mòintich is sòbhrag na coill'
Air dùnadh an sùilean ro dhùbhradh na h-oidhch'.

Nis dèan-sa do chadal, a chagarain gràidh,
'S gu robh Freastal gad stiùireadh 's gach cùis agus càs,
'S e mo mhiann is mo dhùrachd thu rùin a bhith fàs,
Mar gheug is i brùchdadh toradh dùbailt thar chàich.