Back
Thoir Dhomhsa An Gleann
Lyrics:
Thoir dhòmhsa an gleann far bheil Comhann a' triall,
Far bheil Bidean-nam-Beann bho thoiseach gach ial,
Far am faic mi an iolair', far am fàileant' am fiadh,
Far am faigh mi a' bhiolair, cho blast' ris a' bhiadh.
Thoir dhòmhsa an gleann far bheil monaidhean àrd,
Far 'n do dheachdaich nèamh peann neo-bhàsmhor a' bhàird;
Far bheil coill' anns gach doire fad nas uaine nam feur,
Far bheil mil-fhraoich 's gach coire 'n gleann as àille fon speur.
Thoir dhòmhsa an gleann far bheil smeòraich air ghleus,
Far bheil còisir nan eun toirt ceòl dhomh gun èis,
Far bheil caoraich ri mèilich, far bheil leumnaiche cuain,
Is crodh-Gàidhealach a' ceumnaich air eileanan uain'.