Biorachan Beag agus Biorachan Mòr a' buain chnothan
fiosrachadh a' chlàraidh
Àireamh a' Chlàir Thùsail
SA1965.136.A3
Àireamh an Teip Thùsail
Geàrr-chunntas
Biorachan Beag agus Biorachan Mòr a' buain chnothan.
Chaidh Biorachan Beag agus Biorachan Mòr latha a bhuain chnothan. Mar a bhuaineadh Biorachan Mòr, dh'itheadh Biorachan Beag. Dh'fhalbh Biorachan Mòr a dh'fhaighinn slat a ghabhadh air Biorachan Beag airson 's nach itheadh e ach beagan dhe na cnothan. "Chan fhaigh thu mise," ars an t-slat, "gus am faigh thu tuagh a bhuaineas mi." Chaidh e far an robh an tuagh. Bha an tuagh ag iarraidh clach a gheuradh e. Bha a' chlach ag iarraidh uisge a fhliuchadh i. Bha an t-uisge ag iarraidh soitheach a sheòladh e. Nuair a ràinig e Biorachan Beag bha e air na cnothan ithe.
Neach/Cuspair a' Chlàir
Biorachan Beag; Biorachan Mòr
Àite Clàraidh
Siorrachd - Siorrachd Earra-Ghaidheal
Paraiste - Àird Chatain is Mucàrna
Baile/Àite - A' Chonghail
Cànan
Gàidhlig
Seòrsa
Cruinneachadh
Seòrsachadh
Tar-sgrìobhadh
Peigi Dhòmhnallach (PD): Mar a bhuaineadh Biorachan Mòr dh'itheadh Biorachan Beag.
DE: Shin agaibh e. Ciamar a bha i a' dol?
PD: Ò, Dhia, cha robh ach iad a dh'fhalbh a bhuain chnothan, ach bhiodh [???]. Nam biodh an naidheachd cheart agam dh'innsinn i.
DE: Ò, tha i glè mhath. Innsibh i.
PD: Biorachan Beag 's Biorachan Mòr latha a bhuain chnothan. Mar a bhuaineadh Biorachan Mòr dh'itheadh Biorachan Beag. Dh'fhalbh Biorachan Mòr a dh'iarraidh slat a ghabhadh air Biorachan Beag airson 's nach itheadh e ach beagan dhe na cnòithtean.
Ràinig e an t-slat.
"Cà 'il thu a' dol?" ars an t-slat.
"Thàinig mi a dh'iarraidh slat a ghabhadh air Biorachan Beag airson 's nach ith e ach beagan dhe na cnòithtean."
"Chan fhaigh thu mise," ars an t-slat, "gus am faigh thu tuagh a bhuaineas mi."
Ràinig e an tuagh.
"Cà 'il thu a' dol?" ars an tuagh.
"Tha mi ag iarraidh tuagh a bhuaineas slat, slat a ghabhas air Biorachan Beag airson 's nach ith e ach beagan dhe na cnòithtean."
"Chan fhaigh thu mise," ars an tuagh, "gus am faigh thu clach a dh'fhaobhraicheas mi."
Ràinig e a' chlach.
"Cà 'il thu a' dol?" ars a' chlach.
"Thàinig mi a dh'iarraidh clach a mheileas tuagh, tuagh a bhuaineas slat, slat a ghabhas air Biorachan Beag nach ith e ach beagan dhe na cnòithtean."
"Chan fhaigh thu mise," ars an tuagh, "gus am faigh thu uisge a fhliuchas mi."
Ràinig e an t-uisge.
"Cà 'il thu a' dol?" ars an t-uisge.
"Thàinig mi a dh'iarraidh uisge a fhliuchas clach, clach a mheileas tuagh, tuagh a bhuaineas slat, slat a ghabhas air Biorachan Beag nach ith e ach beagan dhe na cnòithtean."
"Chan fhaigh thu mise," ars an t-uisge, "gus am faigh thu soitheach a thàirngeas mi."
"Cà 'il thu a' dol?"
Ràinig e an soitheach.
"Cà 'il thu a' dol?"
"Thàinig mi a dh'iarraidh soitheach a thàirngeas uisge, uisge a fhliuchas clach, clach a mheileas tuagh, tuagh a bhuaineas slat, slat a ghabhas air Biorachan Beag nach ith e ach beagan dhe na cnòithtean."
"Chan fhaigh thu mise," ars an t-uisge, "gus am faigh thu soitheach a thàirngeas mi."
Ràinig e an t-uisge... an soitheach.
"Cà 'il thu a' dol?" ars an soitheach.
"Thàinig mi a dh'iarraidh soitheach a thàirngeas uisge, uisge a fhliuchas clach, clach a mheileas tuagh, tuagh a bhuaineas slat, slat a ghabhas air Biorachan Beag nach ith e ach beagan dhe na cnòithtean."
"Chan fhaigh thu mise," ars a... ars a... "gus am faigh thu duine a thàirngeas mi."
"Tàirngidh mi fhìn thu," ars esan.
Sin nuair a fhuair e an t-uisge, 's nuair a ràinig e Biorachan Beag bha e air a dhol leis a' chreig. Bha e air an t-eanchainn [???] le na cnòithtean.
DE: Seadh, seadh.
PD: An ann mar sin i?
DE: Glè mhath. Glè mhath.
PD: Biorachan Beag. Bhiodh iad... bhiodh iad againn aig an teine...
DE: Bhitheadh.
PD: Nuair a bha sinn beag.
DE: Bhitheadh aig a' chloinn.
PD: Ò, bha.
DE: Bhitheadh, dìreach.
Cruth Inneal a' Chlàir
Reel to reel
Càileachd an Fhuaime
Math