Dh'ith am madadh-ruadh minn na Goibhre Glaise
Fiosraichean
Neach neo-aithnichte
MacDonald, Peggy (4884)
Luchd-clàraidh
Ceann-latha
Àireamh a' chlàir
43063
Pàirt 1
fiosrachadh a' chlàraidh
Àireamh a' Chlàir Thùsail
SA1965.136.A4
Àireamh an Teip Thùsail
Geàrr-chunntas
Dh'ith am madadh-ruadh minn na Goibhre Glaise.
Chaidh a' Ghobhar Ghlas dhan tràigh agus dh'fhàg i na minn a-staigh. Thàinig am madadh-ruadh chun an dorais ag ràdh gur e am màthair a bh' ann. Cha do leig iad a-steach e a chionn 's nach robh snàthainn dearg agus snàthainn gorm ma chois. Fhuair e snàithnean dearga agus gorma agus thill e. Leig iad a-steach e an turas seo. Dh'ith e feadhainn dhiubh agus chaidh aon air falach. Chaidh a' Ghobhar Ghlas gu taigh a' mhadaidh-ruaidh, ach mhionnaich e nach fhaca e na minn.
Àite Clàraidh
Siorrachd - Siorrachd Earra-Ghaidheal
Paraiste - Àird Chatain is Mucàrna
Baile/Àite - A' Chonghail
Cànan
Gàidhlig
Seòrsa
Cruinneachadh
Seòrsachadh
Tar-sgrìobhadh
Dòmhnall Eairdsidh Dòmhnallach (DE): Ciamar a bha i sin a' dol?
Peigi Dhòmhnallach (PD): Chaidh a' ghobhar ghlas dhan tràigh Bhrist an sràbh a cas. Dh'fhàg i na trì minidh-minidhean 's am bocan tàrr-gheal 's an gille-buic a-staigh. Agus thill i dhachaigh. Agus thàinig am madadh-ruadh chun an dorais.
"Fosgail, fosgail, mise do mhàthair," ars esan.
"Dè an comharra a bh' aga-... Dè... Agus..."
"Cuir thusa a-staigh," ars a... ars an gille-buic, "spòg bheag chriùslaich 's aithnichidh mi fhìn mas tu mo mhàthair."
"Dè an comharradh a bh' agad air do mhàthair?"
"Bha snàithle gorm 's snàithle dearg mu a cois."
Dh'fhalbh am madadh-ruadh dhachaigh agus fhuair e brèid agus chuir e snàithle gorm 's snàithle dearg mu a chois. Agus ràinig e an taigh.
"Fosgail, fosgail, mise do mhàthair."
"Cuir thusa staigh do spòg bheag chriùslaich 's aithnichidh mi fhìn mas tu mo mhàthair."
Dh'fhalbh am madadh-ruadh 's chuir e a-staigh a spòg, 's dh'fhosgail iad seo an doras. Agus dh'ith e na trì minidh-minidhean 's dh'ith... Chaidh am bocan tàrr-gheal am falach.
DE: Seadh. Seadh.
PD: Sin agad na naidheachdan a bhiodh againn an oir an teine.
DE: 'S robh an còrr air an naidheachd a bha sin?
PD: Cha robh na còrr.
DE: Seadh, seadh, seadh. Cha robh... cha robh a' ghobhar ghlas a' falbh a' coimhead airson na... feuch am faigheadh i a-mach dè thachair dhaibh, an robh?
PD: Cha robh. Nach robh iad air an ithe a-staigh aice. Bha... bha. Chaidh i a choi-... chaidh i a choimhead [???]. Ràinig i taigh a' mhadaidh-ruaidh. Chaidh.
"An talamh a tha fodham," ars esan, "'s an t-adhar a tha os mo chionn, a' ghrian a' dol sìos san àird an iar, chan fhaca mi riamh do chuid meann."
Nach e sin e?
DE: Seadh, seadh, seadh. Seadh.
Boireannach: Chaidh i... chaidh i a thaigh na corra-ghrithich, an deach?
PD: Bha e a' toir mionnachadh. An talamh a tha fodham 's an t-adhar a tha os mo chionn.
Ò, tha mise air an dìochuimhneachadh.
Peigi Dhòmhnallach (PD): Chaidh a' ghobhar ghlas dhan tràigh Bhrist an sràbh a cas. Dh'fhàg i na trì minidh-minidhean 's am bocan tàrr-gheal 's an gille-buic a-staigh. Agus thill i dhachaigh. Agus thàinig am madadh-ruadh chun an dorais.
"Fosgail, fosgail, mise do mhàthair," ars esan.
"Dè an comharra a bh' aga-... Dè... Agus..."
"Cuir thusa a-staigh," ars a... ars an gille-buic, "spòg bheag chriùslaich 's aithnichidh mi fhìn mas tu mo mhàthair."
"Dè an comharradh a bh' agad air do mhàthair?"
"Bha snàithle gorm 's snàithle dearg mu a cois."
Dh'fhalbh am madadh-ruadh dhachaigh agus fhuair e brèid agus chuir e snàithle gorm 's snàithle dearg mu a chois. Agus ràinig e an taigh.
"Fosgail, fosgail, mise do mhàthair."
"Cuir thusa staigh do spòg bheag chriùslaich 's aithnichidh mi fhìn mas tu mo mhàthair."
Dh'fhalbh am madadh-ruadh 's chuir e a-staigh a spòg, 's dh'fhosgail iad seo an doras. Agus dh'ith e na trì minidh-minidhean 's dh'ith... Chaidh am bocan tàrr-gheal am falach.
DE: Seadh. Seadh.
PD: Sin agad na naidheachdan a bhiodh againn an oir an teine.
DE: 'S robh an còrr air an naidheachd a bha sin?
PD: Cha robh na còrr.
DE: Seadh, seadh, seadh. Cha robh... cha robh a' ghobhar ghlas a' falbh a' coimhead airson na... feuch am faigheadh i a-mach dè thachair dhaibh, an robh?
PD: Cha robh. Nach robh iad air an ithe a-staigh aice. Bha... bha. Chaidh i a choi-... chaidh i a choimhead [???]. Ràinig i taigh a' mhadaidh-ruaidh. Chaidh.
"An talamh a tha fodham," ars esan, "'s an t-adhar a tha os mo chionn, a' ghrian a' dol sìos san àird an iar, chan fhaca mi riamh do chuid meann."
Nach e sin e?
DE: Seadh, seadh, seadh. Seadh.
Boireannach: Chaidh i... chaidh i a thaigh na corra-ghrithich, an deach?
PD: Bha e a' toir mionnachadh. An talamh a tha fodham 's an t-adhar a tha os mo chionn.
Ò, tha mise air an dìochuimhneachadh.
Cruth Inneal a' Chlàir
Reel to reel
Càileachd an Fhuaime
Math