Siud an Deoch Mhilis
Contributors
Fieldworkers
Date
19 January 1976
Track ID
94775
Part 1
Track Information
Original Track ID
SA1975.225.A6
Original Tape ID
Summary
This is a song in praise of drink.
Item Notes
See:
'Sàr Obair nam Bàrd Gaelach' p. 304
Recording Location
County - Midlothian
Parish - Edinburgh
Village/Place - Edinburgh
Language
Gaelic
Genre
Collection
Transcription
An t-Urr. Uilleam MacMhathain (UM):
O siud an deoch mhilis
Nach pilleamaid bhuainn,
Chuireadh blàths air gach cridhe
Ged bhitheadh iad fuar.
O siud an deoch mhilis
Nach pilleamaid bhuainn.
Tha fàileadh gun fhòtas
Bho chneas Mhic an Tòisich,
Chuireadh blàths ann am pòraibh
Là reòt' 's gaoith tuath.
O siud an deoch mhilis
Nach pilleamaid bhuainn.
Bu taitneach an ceòl
A bhith 'g èisteachd a' chrònain,
Ga leigeadh à stòp,
A' cur cròic air a' chuaich.
O siud an deoch mhilis
Nach pilleamaid bhuainn.
'S tu culaidh an dannsa
Nuair thigeadh an geamhradh,
A bheireadh air seann duine
Cheann thogail suas.
O siud an deoch mhilis
Nach pilleamaid bhuainn.
Bu mhath thu air banais,
Gar cumail nar caithris,
Nuair bhitheadh luchd-ealaidh
Ri caithream nar cluais.
O siud an deoch mhilis
Nach pilleamaid bhuainn.
Nuair shuidheamaid socrach
'S a ghlaodhte na botaill,
Cha b' ionnan 's am brochan
Toirt bodach dheth nuas.
O siud an deoch mhilis
Nach pilleamaid bhuainn,
Chuireadh blàths air gach cridhe
Ged bhitheadh iad fuar.
O siud an deoch mhilis
Nach pilleamaid bhuainn.
Nise chan eil dad agam ri ràdh mu dheidhinn siud ach gur ann aig Seonaidh Iain Laing, a dh'ainmich mi dhut tric mar-thà, fear a bh' anns an sgoil còmhla rium, 's ann a chuala mi siud. Chan eil fhios a'm cò aig a chuala esan e, ach bha òrain aig athair. Bha òrain gu leòr aig athair. Seann Iain Laing. Tha cuimhn' a'm air seann Iain Laing cuideachd, ach 's ann aig Seonaidh Iain Laing a dh'ionnsaich mi na h-òrain. Agus siud mar a bha... mar a bha e aig Seonaidh Iain Laing, an t-òran.
Iain Peatarsan (IP): Seadh. Agus a bheil eadar-dhealachadh ann, mar a tha e air a chur...
UM: Uill, cha do dh'ionnsaich mi na facail ann. Cha do dh'ionnsaich mi ach an t-sèist agus dìreach an ceòl, agus chan eil... chan eil na facail agam ach dìreach mar a tha mi gan toirt às an leabhar.
O siud an deoch mhilis
Nach pilleamaid bhuainn,
Chuireadh blàths air gach cridhe
Ged bhitheadh iad fuar.
O siud an deoch mhilis
Nach pilleamaid bhuainn.
Tha fàileadh gun fhòtas
Bho chneas Mhic an Tòisich,
Chuireadh blàths ann am pòraibh
Là reòt' 's gaoith tuath.
O siud an deoch mhilis
Nach pilleamaid bhuainn.
Bu taitneach an ceòl
A bhith 'g èisteachd a' chrònain,
Ga leigeadh à stòp,
A' cur cròic air a' chuaich.
O siud an deoch mhilis
Nach pilleamaid bhuainn.
'S tu culaidh an dannsa
Nuair thigeadh an geamhradh,
A bheireadh air seann duine
Cheann thogail suas.
O siud an deoch mhilis
Nach pilleamaid bhuainn.
Bu mhath thu air banais,
Gar cumail nar caithris,
Nuair bhitheadh luchd-ealaidh
Ri caithream nar cluais.
O siud an deoch mhilis
Nach pilleamaid bhuainn.
Nuair shuidheamaid socrach
'S a ghlaodhte na botaill,
Cha b' ionnan 's am brochan
Toirt bodach dheth nuas.
O siud an deoch mhilis
Nach pilleamaid bhuainn,
Chuireadh blàths air gach cridhe
Ged bhitheadh iad fuar.
O siud an deoch mhilis
Nach pilleamaid bhuainn.
Nise chan eil dad agam ri ràdh mu dheidhinn siud ach gur ann aig Seonaidh Iain Laing, a dh'ainmich mi dhut tric mar-thà, fear a bh' anns an sgoil còmhla rium, 's ann a chuala mi siud. Chan eil fhios a'm cò aig a chuala esan e, ach bha òrain aig athair. Bha òrain gu leòr aig athair. Seann Iain Laing. Tha cuimhn' a'm air seann Iain Laing cuideachd, ach 's ann aig Seonaidh Iain Laing a dh'ionnsaich mi na h-òrain. Agus siud mar a bha... mar a bha e aig Seonaidh Iain Laing, an t-òran.
Iain Peatarsan (IP): Seadh. Agus a bheil eadar-dhealachadh ann, mar a tha e air a chur...
UM: Uill, cha do dh'ionnsaich mi na facail ann. Cha do dh'ionnsaich mi ach an t-sèist agus dìreach an ceòl, agus chan eil... chan eil na facail agam ach dìreach mar a tha mi gan toirt às an leabhar.
Source Type
Reel to reel
Audio Quality
Good